Etarê Şero di nava edebîyeta Kurdêd Sovyetîyê de navekî teze nîn e. Efrandinêd wî hela di salêd berî şêr de hatine çapkirin. Hema wî çaxî jî bi kitêbeke başqe bi sernivîsara Birqandina Ewlin li Yêrêvanê şiêrêd wî tên çapkirin.
Di salêd li pey şêr de em efirandinêd ‘Etarê Şero di rojnemeya Rya Teze û almanaxêd başqe-başqe de dixwînin. Sala 1957'an berevoka efrandinêd wî ye teze Şiêr dertê.
Di nava vê berevoka teze de efirandinêd ‘Etarê Şero ye vê axirîyê nivîsî hatine bicîkirin. Di kitêbê de du par hene: Dinya Teze û Dinya Kevn. Di para pêşin de şiêrêd ‘Etarê Şero ne, di para duduyan de efirandinêd şayîrê Kurdan î eyan Feqîyê Teyran in, yêd ku bi qurnan di nava cimaeta me de belav bûne û ji alîyê cimaetê de hatine gihaştine rojêd me. ‘Etarê Şero efirandinêd Feqîyê Teyran bi gelek salan di nava cimaetê de top kiriye, hazir kiriye û îro em dikarin wan efrandinan bixwînin.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
